ADVERTISEMENT

This area is available for advertisement. Please contact for details.

Arnivang
Get Adobe Flash player

Pachethang thap alam along kacherap dunde detji aphansi CM kachoningri

GUWAHATI, Vosik 9: Pini pen ni thom-pli aprang state adangpi kaprek-kaprek adim along ajahak abangphu-bangphi atum pachethang thap alam pangdaksi hamphang along padosojo lo. Lasi lapuson ahokhe alam along kekroi dunde detji aphan lapen kitin dunthapthe detji aphan anparta komane kapinkhat voi-voi alam pen aron (law) methang arideng ke-en e detji aphansi Chief Minister Sarbanada Sonowal kado kave aphan choningri. Monsam pathirthipsi administration atum pen kacherap-kacheto dunji aphansi kado kave kethek-kere abangphu-bangphi, cheparjan bangphu-bangphi, tokbang, hirbang, pherangke pen danglok solangdo arat aphan Chief Minister Sonowal choningri thusi lapuson ahokhe abirta kapachethang atum aphan ratpangri pen sodak asai dengji lapen konatne kopene akepho (incident) kedo thek dun long pulote adunghet kedo police station mate aber kejong DG control room phone no. 0361-2521242, mobile no. 94352-15029, SB control room phone no. 0361-2381511/2380620 lapen whatapp no. 87498-60803 along kahumriji aphansi pachini.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives