ADVERTISEMENT

This area is available for advertisement. Please contact for details.

Arnivang
Get Adobe Flash player

Honthe meme NDFB(S) klembang bang hini kenep

Diphu, Vosik 9: Khatkhati police station angkang Lahorijan along bang hini honthe meme NDFB (S) klembang atum aphan kenep.
Joijoi pen birta kelong ateng Khatkhati police lapen Sarihajan along kedo army atum chelangsi Lahorijan ahavar ri-tarlip dam lo. Laso ahut Shivam an a hotel along pen bang hini honthe meme NDFB(S) klembang Dilai Hiteswar Tulsiary arong along kedo Kt. Nabol Swargiary asopo Deepak Swargiary cheparjan Dansrang (30) lapen Hojai district Lanka Baman arong asor Kt. Kitanto Chandra Ghosh asopo Sumit Ghosh (28) atum aphan nep ingnang long lo.
Kachingnang chek atum arideng pen .22 a pistol ebong lapen amu mu troksi raikom asaikhi atum cheparideng long. La-an chot kali NDFB (S) pen Diphu asor Ranjit Thakur tangka kehang akido ta alangli arideng pen raikom asaikhi atum cheparideng long.
Kechingnang chek atum aphan penang an arju patertok det aphi Deepak Swgiary cheparjan Dansrang along la-an sose tangka kehang akido ahem along dalang long dam thulo.
Sika lakh 20 atangka komatne pangthekthe abangphu along kehang akido anparta pak thom ketokte lang NDFB(S) tangka kehang aloh ta cheparideng long.
Puthot arju patertok thusi Deepak Swgiary cheparjan Dansrang ahok alam chethan lo. Laso ahut alangli kachethan ke amen ke Pradeep Rabha lapen ahem Borlangpher pusi chethan. Laso ateng raikom asaikhi atum pen Borlangpher police atum pen chelangsi Deepak kachethan ahem along tarlip dam lo seta haladak ke inghap klingsi thek dam lo. Laso aphi asaikhi atum chevoi thu rup lo.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives