ADVERTISEMENT

This area is available for advertisement. Please contact for details.

Arnivang
Get Adobe Flash player

Ongdung hamphang asong atum chelangsi CAB aphuthak kachesong

Diphu, Vosik  8: AASU Karbi Anglong District Students Union pen Karbi Students Association atum kejalin along kaprek-kaprek ahamphang asong 28 atum chelang dunsi pini son pli alam aphuthak kachesong kehang alam kachepaplengji aphan pusi kachesong asai kedeng.
Diphu Club along charli osomar pen chenglok kaprek-kaprek hamphang asong atum bang suri sose chingrumsi Diphu ahithi angkang armu kachejeng. Laso kachesong pen alanglitum akemang mate kehang ke Citizenship Amendment Bill-2016 che-en nangji, Assam Accord apor kejong ateng pen pachun nangji, India pen Bangladesh ahoi inghap pame nangji, aronre nang kilut Bangladeshi atum aphan ketoiji aphan India pen Bangladesh angbong Bi-lateral Treaty chetok nangji’ pu heihui alam aphuthaksi chesong lo.
Jongsi kehang ateng prapjin klemkle pulote la-an sose ahir kangtang kachesong asai deng thuji puta hamphang asong atum chingkrin pusi AASU Diphu Regional Students Union a chunbang Shorjun Hanse birta pachini.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives