ADVERTISEMENT

This area is available for advertisement. Please contact for details.

Arnivang
Get Adobe Flash player

NGO, SHG lapen peh keroi aseke ke-en duntang atum aphan Social Welfare asaikam ason-ason kerap kapajir

DIPHU, Vosik 8: So-arlo atum aphan kangthur ponji aphan pura Social Welafare asaikam pen pini District Social Welafare asaihem athikup along SHG, NGO lapen peh keroi aseke ke-en duntang abangphi atum aphan ason-ason kerap kapajir amai pangni. District Social Welfare asaiphu Khirla Teronpi kachepahemphi amai along KAAC Social Welfare asaikam a EM Kache Rongpipi alohi sarpo aman pen chetong dun, anparta man-peng pen KAAC secretary Pratima Bormon, BJP Mohila Morcha dun meiphi Seema Ronghangpi pen danglok saikam asaikhi atum chetong dun. Laso ahut kaprek-kaprek SHG, NGO lapen Social Welafare asaikam along peh keroi aseke ke-en duntang abangphi atum aphan peh keroi a machine lapen tangka a cheque EM Kache Rongpipi arideng pensi ke-ongdung SHG, NGO atum aphan ron lo. Laso keron amai along EM Kache Rongpipi kejai ke, kedamtang penang arni penlo lapuson kerap kapajir longle, setame pini nanglitum aphan saikam pen kerap nangkipi long ke kopai keme lo. Lasi ratpangri pen jasemet pet ke non so-arlo atum aphan kangthur ponji aphan penang an ardi pilo. Laso atengsi ason-ason a scheme ta deng lo. Halahai a scheme aphuthak cheroktok dunthek nangji lapen ale cho-en dunthek nangji. Pini nanglitum aphan nangkipi ahormu pen ale chepado thek nangji lapen kevangjilang arni setame saikam pen ke ason-ason akerap nangpajir bomji pusi ningje.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives