ADVERTISEMENT

This area is available for advertisement. Please contact for details.

Arnivang
Get Adobe Flash player

Nagaland pen Meghalaya aratpangri atum CAB aphuthak kachekroi dunde kachepaklang apot AIUDF kurvangthu kapajir

GUWAHATI, Vosik 8: Meghalaya pen Nagaland aratpangri atum Citizenship Amendment Bill aphuthak khamkhe dunsi methang akhei lapen phurkimo jutang-jubat aphan kacheraikom dunthek aphuthak AIUDF kachoro pajir. Pachetak aloh pen AIUDF jabang Moulana Baddrudin Ajmal kapangdak ke, Assam ratpangri laso a Bill aphuthak aphan non anta thangnat asai kedengde lapen kachepaklang dunde det abang ke manghu dun meme. Chief Minister Sarbananda Sonowal ahut isi IMDT aphuthak chesongsi khei anongbe aman long lo. Assam lapen Assamese ajakong, keraikom lapen CAB aphuthak kekhamkhe ajakong chepaklang thek pulote alangliphan kaiketa khei anokbe pusi hok po. Setame state ratpangri atum Nagpur RSS kapinkhat ateng pen sai keklem ajok Assam along kithirthip amonsam ave det lo. La anchot ta kali CAB aphuthak ami aphu kiklim aphuthak Assam arat atum ning kachethe ave det lo. Chief Minister Sonowal khei aphan matha parsik ra cabinet along labangso a Bill aphuthak tiri aphan kipu paso nang po kalite Assam lapen Assamse pen mantune ta abangso aphuthak alam pen ke chepajok un-eh lo. Laso along AGP pen BPF atum ta pajirpo aratpangri che-oh dun bupsi rat along dodunra ase angtong chipi dun noi kali pulote mo arnisi rat athengno thangta kethak dunji atovar ave detji pusi Ajmol pachetak.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives