ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi pulote asomar atum Karbi alam thek nangji

Saising Rongpi, Diphu: Vosik 6 arni KAAC pen SPKL chelang pen 6 months Karbi language certificate course kacharli a kitap aloh kangpu ahut alohi atum kaningje alam.
1. Tuliram Ronghang, CEM KAAC – Karbi pulote asomar atum Karbi alam thek nangji. Osomar angtan kacharli atum Karbi alam pachetengne det chokche. Karbi po parokpi ke-en atum Karbi alam kethek aphan chelana dun vek nangji.
2. Alohi Sarpo – Prof. Rongbong Terang – 1932 aningkan Ru Semsonsing Ingti amang kaheman Karbi alam kapachingthur kemang alamthe neli pen Kt. LONGKAM TERON kaheman amang pini Karbi alam school, college, university akangtui angdeng an kapale lapen kapadeng hako KLA kechengsi kachari ahut amang kaheman alam pini chekok lo.
SPKL lapen Longsing Teron, Benjamin Ingti atum laso asai kapachun apot chorolo.
Prof. Aparna Konwar alangli PhD thesis ketok Karbi alam aphuthak ketok pensi kachepalong lapen nelilong kedo pensi ketok. PhD ke longlo, alangli non Karbi alam ningje thek ma? Lasi Karbi alam pen research, PhD, ke-en atum Karbi alam ketheksi keme.
Nelitum Longkam Teron pen Karbi Lammet aphan kebor-ih dolo. Longkam Teron ta akai isi kitap tokpik lo. Seta ko anma kachepaduk laso ateng amo kapachun ning ingsamse. Thithe aprang anta lo tok’o lapen paklang-o lang, seta kichun aning ingsam ponpe lang. Lasi KAAC atum kacherap kacheto dun halaso ahut aning phophe detlo pusi ningje.
Lasi KAAC a CEM Tuliram Ronghang lahai asai kedeng lapen kapachun asai cherap dun po pusi ningthe lo lapen Dibrugarh University lapen Assam University lapen SPKL atum kelangdun chari dokok lo apot Karbi alam virve lo. Lahai aphan sai kapachun apot Karbi alam vir rang-rang ahut sai keme kedeng pon apot choro lo.
Karbi Lammet kapachan aphan Karbi Lammet Amei aphan chiki chotchedet pen akaprek asong, atovar pen ta Karbi lammet kapachan ning hang pen klem te pachun un po pu pini tovar paklang pon lo.
Principal Secy. – Pini ke Red Letter Day lo athe University hini Dibrugarh University lapen Assam University Diphu Campus along pen 6 months Karbi language certificate course kangpu ke isi Karbi akhei along thetan aphurkimo lo.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives