ADVERTISEMENT

This area is available for advertisement. Please contact for details.

Arnivang
Get Adobe Flash player

DGC online pen amen kachethap akisung aphuthak KAAC Higher Education EM arideng loh kapajir

Diphu, Vosik 8: Diphu Government College along pining pen men kachethap aron larsi online si charli osomar atum aphan amen pachethap lo.
Lason ahut charli osomar atum kaprek-kaprek akisung alamthe jong dunsi KSA, SYC, SYJ, HPYA, AASU, DSA atum chelangsi pini Karbi Anglong Autonomous Council Higher Education EM Jagatsing Ingti arideng loh pajir dam. Laso ahut hamphang asong atum pen 503 internet Server kaheno, 404 Bad Gateway, OTP message kelongle, photo/signature kechokche, mahang kethek arni kechokche pen chenglok kaprek-kaprek akisung kepho alam jong dun.
Lasi online amen kachethap dun longle charli aosomar atum aphan offline pen amen pachethap long nangji, sixth schedule ahavar alongsi DGC kedo apot phant 80 ke scheduled tribe charli osomar atum aphansi anghoi raipi nangji pu heihui alam jong dun.
Pini KSA ameiphu Semion Rongphar, SYC pen Harlongbi Kathar, SYJ ameiphu Longki Singnar, HPYA ameiphu Enjoy Tisso atum jalinsi higher education a EM Jagatsing Ingti arideng loh pajir dam lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives