ADVERTISEMENT

This area is available for advertisement. Please contact for details.

Arnivang
Get Adobe Flash player

Deikrum adolong kapatang serakji aphan Contractor aphan CEM loh kapachetok

Diphu, Vosik 8: Kedamtang 2010 aningkan Bidyasing Rongpi EM lapen Khorsing Ingti HAD minister kikhibom ahut minister arideng pen long-eh kesom adolong pini arni anta ketangte det aphuthak Karbi Anglong Autonomous Council a CEM Tuliram Ronghang ningkangsamse chepaklang.
Atumi Nilip pen Duarbagori Constituency hini apharman long-eh kesom lapen ketangtang asai kangpu damji aphan kedam ahut CEM mate Team Karbi Anglong atum Koilamati, Deikrum adolong ketangte adim ta humri tekang. Laso ahut alangli contractor Alam Khan aphan chetong tekangsi dolong kaselam kapatang serakji aphan sodak pachini tekang.
Laso ahut alangli alam pen chot ke ning ingsamse laso ahut kachetong dun EM, MAC atum pen chenglok rat asai klembang lapen pherangke atum athengno Alam Khan aphan loh pachetok lo. Non kevangji Matijong achiklo angbong dolong kikim kapatangvek po. Jongsi patang thekthe pulote jail kethap pen chenglok ajat akangsai seta deng po pusi loh pachetok do lo.
Loh kachetok ateng sai keklem mate dolong kaselam patangvek po bo pusi CEM Tuliram Ronghang patini thu lethot lo. Jongsi patangte pulote sodak pen nang ingsai po puta CEM pachini tekang.
CEM kapachini tekang keso pik ajoine atumi pen amat kedamtang ningkan 7-8 keklemkle kesang kok asai atumi pen puthot keklem pangcheng thu lo.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives