ADVERTISEMENT

This area is available for advertisement. Please contact for details.

Arnivang
Get Adobe Flash player

Chief Secretary barim Pipersenia aphuthak katarlipji aphan kapangdak

Sarada alamki aphuthak file patu joi pusi akoi kevan

GUWAHATI, Vosik 8: Detpi kahijuk Sarada kachopanglim alamki aphuthak non ke-ot pangcheng thu lo. Laso alamki along state chief Secretary barim VK Pipersenia ta kachingvui dun kedokok ajok alangliphan katarlipji aphansi chief minister asaihem pen pangdak tang lo. Chief Minister pen home pen political asaikam atum aphansi laso katarlip arpu pek lo pusi chini dun. Chief Secretary arpu kekhibom ahut Pipersina kachopanglim alamki klang lo lapen Sarda alamki a file alangli kapatujoi pu akoi ta klang lo. Amethang jung-jung ale aphan alangli ningkan hini laso a file patu joi puta akoi kevan do. Chief Secretary barim Pipersenia lapuson Sarada a file kapatujoi aphuthak inut RTI kehang abangphu Dulal Bora abang Pipersenia aphan Dispur police station along 1188/18 lamhoi pabon lo. Setame ratchari ajakong ale cho-ensi chief secretary barim kado kave katarlip patu joi lo. La anchot ta kali Dispur Build Worth Private Limited atum aphan crore atangka ratpangri alongle pajirsi kachopanglim alamki ta do. Halapu RTI kehang bangphu Bora asangho pherangke amai phasi komat a hukum pensi ningkan hini Sarada a file kapatu lo? Laso aphuthak tarlip nangji pusi chief minister aphan hang. Katarlip aphisi alangli adai do ave alam cheklang po. Pinpurme Pipersenia asai arpu jutdet aphi ta ratpangri kedo ahem (quarter) lapen ratpangri pen kapajir ason-ason avarsai cho-en dunbom puta alam klang. Assam along kachopanglimji aphan kevang asaiphu komat ahirjume pensi asai arpu jutdet aphita alangli richo kecho longbom lo puta atum angbong charju seroi.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives