ADVERTISEMENT

This area is available for advertisement. Please contact for details.

Arnivang
Get Adobe Flash player

Beha so keklem penta methang aphan kereng avarsai do

Diphu, Vosik 8: Borop kachojor pen ale dovek pusi inut ningkan kethom sose borop chojorbom abangphu Rangsina Teron chethan.
Karbi akhei cherai nangji pulote beha so do anta keklem khindede det nangji pu rat aphan amek paprangsi pining pen an ningkan kethom sose alangli borop chojorsi apiso-aso chepangreng bom lo.
Alangli ke Chokihola asor lapen non kedobom ke Diphu rongsopi Matipung anathu. Alangli borop chojorbomsi apiso-aso chelana lapen asomar bang hini aphan ta laso abeha keklem pen ajok asomar atum aphan ta kemesen a school alongsi pacharlki dun bom lo.
Alangli kachethan atengte, beparso keklem angbong methang aduli’isi padamde pin pen arnivang sika 500 pen suri isi an income un mate tangka pavang un abepar ke lata ison lo. Arnisi along botor henodak ahut anta sika 400-500 anke long lapen arni sodang lapen botor mesen ahut ason ke arnisi along suri isi an atangka ke long un pusi chethan.
Arnivang bang ahem kachongdat pente borop kejor ale domu pu angthek chethek longsi alangli bong apok-et aphan ta pining pen ke borop pajor dun pangcheng lo puta alangli chethan. Non an alangli hin pen bang nerkep a Karbi aphan bangso asai paklem bom lo puta chethan. Teron asangho inut beha keklem chot lapu kali, bonta hem arpu anparta Karbi atum lahai abeha keklem chihung nangji puta kamatha bangphu lo.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives