ADVERTISEMENT

This area is available for advertisement. Please contact for details.

Arnivang
Get Adobe Flash player

Nurak Club pen kapangthir aphuthak cheroktok amai kangni

Diphu, Vosik 7: Kedamtang Vosik pho arni Sildharampur Nurak Club atum patirpisi Swachh Bharat Summer Internship programme aphan cheroktok amai kapangni.
Nurak Club ameiphu Rajiv Timung kachepahemphu amai along Sildharampur angkang kedo rong-rup arlo kachepangthirjirji aphan mai along chethan. La-an chot kali penap Vosik 5 arni arni World Environment Day arni thengpi aklim ke-eh dunji aphan ta mai along lamrai deng.
Mai along alohi sarpo aman pen kachetong dun Mahamaya constituency a VDC Longsing Tokbi penta kachepangthir aphuthak ardi doklong alamthe jai tekang.
Swachh Bharat Mission Karbi Anglong along keklem bom CRC Bordili Teron ta chetong dunsi Swachh Bharat Summer Internship alamthe than pajirmi. Monit atum jongsi chepangthirthe pulote rong-rup ingthirthe lo. Lasi kachepangthir ke monit atum kachepindeng nangji isi kenangsot a ot adur lo pusi Terang asangho than. NYKS Diphu pen chetong dun Thamas Terang NYV Howraghat Block.
Rat asai klembang Prahlat Timung pen Nurak Club sankur chunbang Amor Rongpi lapen kaprek-kaprek Nurak Club klembang atum chetong dun pusi Nurak Club ameiphu Rajiv Timung birta nang pale.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives