ADVERTISEMENT

This area is available for advertisement. Please contact for details.

Arnivang
Get Adobe Flash player

Hemprek apharman JACAS atum bike kapachejeng pen kachesong kangthur

Diphu, Vosik 7: Joint Action Committee for Autonomous State (JACAS ) Youths Wing atum patirpisi Diphu pen Taralangso adak Bike kapachejeng.
Article 244(A) aphuthak JACAS pen ratpangri angbong kachingki aphan nang pha serak nangji pusi kehang paso. Kedamtang kilik ahut BJP ratchari atum Karbi Anglong pen Dima Hasao arat aphan kechak ateng rat akemang Autonomous State pachun nangji puta hang.
Laso akemang kapachunji aphan Karbi Anglong lapen Dima Hasao arat chelangpet kehang kapasikji aphanta chisik lo. Lasi ratpangri atum ladak inglong arat atum ajak dingklui akemang pachun piperek pulote prapjin rat thurpak kachesong ingthur nangkok po puta pangdak. Pini Bike kapachejeng along kaprek kaprek hamphang asong atum cheto dunsi kado kave hum phokep sose a bike pachejeng lo. JACAS asong ahavar tin tame youth wing kaparjap etji aphan sai klem bom lo lapen Karbi Anglong arat atum anta nang kacherap kacheto nangji pusi JACAS meiphu Khorsing Teron pen choningri. Hemprek apharman kachesong along Karbi Anglong ahamphang asong KFA, KAIYA, KSYC, KSA, AIKNA atum cheto dunsi kachesong pangcheng lo.
Bike kapachejeng along KFA meiphu Samsing Hanse, JACAS chairman Khonsing Teron,KSYC sankur chunbang Bipul Tisso, KAIYA sankur chunbang Roshan Teron AIKNA klembangphu Bristom Terang, KSA klembangphu atum chetongsi ingsamjin bike kapachejeng kachesong pachun lo.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives