ADVERTISEMENT

This area is available for advertisement. Please contact for details.

Arnivang
Get Adobe Flash player

Daldali along ta thengpi aklim ke-eh-keron pensi World Environment Day katalon

DIPHU, Vosik 7: Vosik niphai pho arni World Environment Day katalon arni pacheton dun thekthe det pusetame atumi Daldali JJM Nichol Roy Memorial English School along World Environment Day talon dun pusi JJM Nichol Roy Memorial English School thanbang kehoi Abraham Tisso ladak ketokjir aloh pen birta nangpale. Tisso asangho ketok pen kapangdak ke, atumi Klirdap Sports Club, SHG lapen JJM Nichol Roy Memorial English School atum patirpisi laso asai deng dun lo. Abraham Tisso kachepahemphu amai along rat asai klembang Hema Beypisi mai kepha alamthe jai lapen Klirdap Sports Club ameiphu Jiten Hanse World Environment Day aphuthak kejai ke, longle, temon heihui ke monit atum amethangsi chephalangno lo. Monit atum ane kethe, kamatha ajakong kadure lapen epran kevangji arni aphan kamatha thekthe mate kaphere thekthe det ajoinesi longle, lang, temon nangheno bom lo. Lasi non kithurmi a-ove atum lahai aphuthak munthi parsik pameme lapen chikirla le pulote kaphere meme akisung kephoji apor tebok hetlo pusi ningje. Laso asai along pacheton dunsi rat asai klembang Rajen Timung pen charli osomar atum aphan kethak-karju asonta deng. Bang pharo sose armu kacheto dun laso asai kedeng along Central Range pen kerap kipidun a thengpi aklim heihui kapathu aklam arai lapen hithi along ta ke-eh som lo. Halapu keter-ke-er ahormu ta arkok-arpheksi pangthir lo pusi Tisso asangho pachetak.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives