ADVERTISEMENT

This area is available for advertisement. Please contact for details.

Arnivang
Get Adobe Flash player

COPU atum pen KANCH kapaklang ahormu aphuthak ningkangsam kachepaklang

Diphu, Vosik 7: Pini Committee On Public Undertaking (COPU) a chairman MLA Atul Bora kechengsi aphong Manja along kedo AHSIDC Ltd. Industrial Complex along kahumri dam.
Atul Bora kahumri dam along Deputy Commissioner, Mridul Kumar Mahanta lapen COPU klembangphu Pradip Hazarika, Ritupurna Baruah, Teraj Guawala, Suman Hariprya lapen Tamuli Basumatary atum dun.
Diphu angkang isi hini adim along humri dam det aphisi Atul Bora Manja Industrial Complex along pale dam lo.
Hormu kepaklang lapen sai keklem amokha mepik lo pusi alangli ro tekang. MD Dhansing Lekthe keklem kachepadukpik ajoine laso industry mepik lo lapen kachingthur ta prappik puta pherangke atum pen kachingki Atul Bora jai.
“Laso Industry kapachingthurji aphan alangli lapu-an chepaduk det aphi ta ratpangri atumsi non puta arpu en bom lang. Kithirthip Managing Director nangpi nangji pusi kachongdat atum pinpur aloh nang pajir dun pusi Lekthe pachini dun. Laso ateng ratpangri alamthe ke-enji aphan COPU ahin ratpangri along ponpo puta alangli jai tekang.
KANCH pen kapaklang ahormu mepikpik lo, lasi kaprek-kaprek adim along kasalon asai keklemji aphan ta alangli pachini tekang. La-an chot kali jongsi ahempi Guwahati alongle do asonte kaprek-kaprek adim along kasalon aphan joike po puta langli jai tekang. “Guwahati along kedo amonit atum sai jokje kememe pin ahormusi chonam nang varet lo. Lasi KANCH pen kapaklang kemesen ahormu jongsi long pulote kachonam atum ta aning arong po. Kevangji arni kememe det kapaklang ahormu an aphan KANCH si lit etpo puta alangli ning chepathe puta chethan.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives