ADVERTISEMENT

This area is available for advertisement. Please contact for details.

Arnivang
Get Adobe Flash player

CAB kekhamkhe, Bongaigaon along AGP pong-ut kivut kecheng

Suri-suri arat hong nangkebar

GUWAHATI, Vosik 7: Citizenship Amendment Bill aphuthak sodak khamkhesi AGP atum ason-ason asai deng bom lo. Pini AGP Bongaigaon district committee atum patirpisi AGP a meiphu Atul Bora, chief minister barim Prafulla Kumar Mahanta, working president Keshop Mahanta, minister Phani Bhusan Choudhory, sankur chunbang Dr. Komolakanta Kalita, Romendra Narayan Kalita atum pen danglok ajahak AGP a MLA lapen Yuva Parishad ameiphu Sunil Deka, Mohila Parishad ameiphi Borda Kalita lapen ongdung AGP jabang atum chetong dunsi png-ut kivut, cheng kithip lapen kasu thipsi Bongaigaon arongsopi km pho armu chejengsi Citizenship Amendment Bill aphuthak chesong. Bang suri kep sose arat atum kacheto dun labangso kachesong asai along ke-ong dun ke Bangla Bhashi atumsi cheto dun lo. Citizenship Amendment Bill ingthanthe tik ke AGP asong chesong bomji pusi AGP a meiphu Atul Bora ningje. Suri-suri armu kacheto angbong along alangli kaningje thuke AGP asong jakongle kethe kali, Assam arat apharmansi kethe lang. Lasi Assam kedo barim akhei atum aphan akisung kevanji meme ajat asai along ta khamkhe dunji pusi ningje. Chief minister barim Prafulla Kumar Mahanta kejaike, Assam accord aphan panung kuk pen labangso a bill jongsi tiri ratpangri nang-arvak hup pulote kroi dun thekthe lapen lapuson asai ke detpi constitution aron karkan ason po pusi ningje.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives