ADVERTISEMENT

This area is available for advertisement. Please contact for details.

Arnivang
Get Adobe Flash player

Jutang aklam kapachingthurji aphan CEM arideng palong pli long-eh kesom

Diphu, Vosik 6: Vosik 5 arni Karbi Riso Nimso Rong aje katalon aklam kapachingthurji aphan pusi Karbi Anglong Autonomous Council a CEM Tuliram Ronghang Ronghang arideng pen palong pli long-eh kesom.
Laso ahut sika lakh 35 atangka panongsi kilut a donwari (gate) kaselamji aphan long-eh som lo. Laso aphi KYF along kachepate atum kedo aboha kikimji aphan sika crore 3.90 panongsi long-eh som lo. Laso aboha kikimji aphan MAC development fund atangka pensi padam po. Laso aphi asaikam atum kelan adim (Departmental Stall) kikimji aphan sika crore 4.50 atangka panogsi long-eh som lo. Laso atangka ke Karbi Anglong Autonomous Council kaparlo saikam 30 atangka pensi padam po.
Kapadusi sika crore 2 atangka panongsi No Thengpi kaselamji aphan ta KAAC CEM Tuliram Ronghang arideng long-eh som lo.
Long-eh kesom ahut Karbi Anglong Autonomous Council a CEM kaningje atengke, non long-eh somdet lote sai keklem pangchengphit po. Laso ateng pulote non kevangji 2019 aningkan Karbi Youth Festival aprang kado kave asai tang etji puta alangli ningje. Aningkan vangta kithirklong ahem kave ajoine kachepate atum kedo-kethak kasiksak lapen kaprek-kaprek atum ta thedung katora do puta alangli long-eh kesom amai along jai.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives