ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu rongsopi angkang han kachojor asarpimar bang 555 atum aphan CEM tangka keron

Diphu, Vosik 6: Vosik 5 arni Diphu Lorulangso Rangsina Sarpo Cultural Hall along Sabka Sath Sabka Vikash a scheme pen pu han kachojor asarpimar atum aphan tangka suri pho-pho keron amai pangni.
Mai along bang 555 han kachojor asarpimar atum aphan Karbi Anglong Autonomous Council a CEM Tuliram Ronghang arideng pen Sika 5000 atangka pajir lo.
Laso atangka keron amai along Karbi Anglong Autonomous Council a CEM Tuliram Ronghang kejai, ‘Karbi atum beha ahin kapaphi hup pen kapachingthurji aphansi han kejor abaha keklem asarpimar atum aphan tangka kerap pi dun’. Dongka ahithi along ongdung Karbi atum theng-han kachojor alam ta alangli mai along pinpur.
Kelong atangka pen beha keklem pen ale kachepadoji aphan Tuliram Ronghang pachini dun. Laso atangka kecho pajoije pen beha ahin kapaprang iji lapen amethang kereng-i avarsai kacheselamji aphan ta alangli jai.
Karbi Anglong kachingthur ke inut bang hini atum kapaprang chotle kachingthur kali, anuttin ta paprang nangji. La-an aphisi Karbi Anglong kachingthur pu chipu unji puta mai along CEM Tuliram Ronghang jai tekang.
Mai along EM Prodip Rongpi, EM Jagatsing Ingti, EM Amarsing Tisso, EM Kache Rongpipi, MAC atum Rina Terangpi, Prabhat Chandra Taro, Horen Sing Bey lapen Mongalsing Timung pen chenglok ongdung man kedo atum chetong dun.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives