ADVERTISEMENT

This area is available for advertisement. Please contact for details.

Arnivang
Get Adobe Flash player

CAB aphuthak khamkhesi Bakalia along armu kachejeng par-om plup

BAKALIA, Vosik 6: Assam kedo barim arat atum aphan kapavirji aphan keklem asai Citizenship Amendment Bill aphuthak khamkhesi pini Bakalia along AASU Bakalia aro atum kepha ateng pen ongdung arleng kesar, kethek-kere abangphu-bangphi lapen loh charli osomar atum pen danglok ok-karjang (Youth) atum cheto dunsi kachesong armu chejeng dun lo. Todap adap porphai kre isi apor Bakalia ahithi anglum mate NH-36 tovarpi along armu kachejeng asai kedeng ahut bang suri thom sose atum cheto dun lo. Laso ahut Assam Accord kachetok along kedo-an ason papleng nangji,India-Bangladesh ahoi along prapjin pen inghap nangji pu heihui hang taram. Hirbang Lokheswar Sarma kejaike Assam arat aphan kapasungji aphan keklem Amendment Bill aphuthak khamkhesi pini Assam adangpi arat thurpak lo lapen abangphu phi tin Assamse atum aning chiksak bom lo. Amethang apai aphan pai pu tintesi kaprek apai aphan pai pu kitin abang ke chihijim meme. Lasi angtan asor anghoi Assam arat atum ajat pen noi parpu un-eh pusi ningje. Pini kachesong asai along AASU tiri klembang Bhabesh Gogoi, Sahitya Sabha Karbi Anglong aro meiphu barim Subhas Das, Atul Chandra Bora, Bhuban Chandra Dutta pen danglok ongdung rong asar anparta arleng kesar atum chetong dun.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives