ADVERTISEMENT

This area is available for advertisement. Please contact for details.

Arnivang
Get Adobe Flash player

Bakalia along saikam alongle kithi alam pen huri sai

BAKALIA, Vosik 6: Bakalia along kedo Irrigation asaikam chiri 871 ratpangri alongle kithi alam pen kedamtang chiklo ejon-jon ni aprang pen kahurisai ajok pini abang ke an sose kahurisai asonsi dokok lo. Kedamtang nigkan 40 aprang pen penang an atum labangso Irrigation alongle aronre pen cheraisi do-thak bom lo. Setame nonhetjong hadak atalom kedo arat atum halabangso alongle kacheparisimji aphan bor-i lo setame aprang pen kedo-kethak bom arat atum kroikre detsi alanglitum angbong chihilasai asonsi dokok lo. Todap adap apor ongdung pinso arlo chingrumsi halabangso alongle kacheraiji aphan kabor-i ajok hur chodut lo. Hadak kedo arat atum kaningje ateng ke kedamtang apor ahut Irrigation asaikam alongle pajok nangji pusi arpu kedo atum aphan batai batai pulo setame pini arni anta Irrigation asaikam atum laso aphuthak thangnat asai dengde det lo. Kedo barim arat atum longle-phelang kadure apor ahut ratpangri alongle along lapuson ongdung angtan asor atum aningkan-ningkan laso alongle along kedothip abang ke chechak un-eh pusi ningje rinti. Laso alam aphuthak HAD minister Sum Ronghang aphan ta pachini lo setame pini arni anta thang kichun ave det lo pusi alanglitum akoi van. Non nangkeleji chiklo jon ni angbong jongsi saikam arpu kedo atum monsam apharman thang asaita klem pachun thekthe pulote puthot Irrigation alongle cheraiji pusi ther. Pini halabangso alongle kacheraiji aphan hadak atalom kedo arat atum keto dampak ahut Bakalia police atum ta pale dunsi soluk-sodak atemon kapahamji aphan sai deng dun lo. Laso aphi district police ongdung asaiphu atum ta humri dunsi lang chari dun lo. Laso alongle alam pen kedamtang penang an arni pen lamki nangdo bom, lasi laso aphuthak arpu kedo atum jongsi prapjin pen sai dengde pulote kevangji arni puthot soluk-sodak do thukok tahai.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives