ADVERTISEMENT

This area is available for advertisement. Please contact for details.

Arnivang
Get Adobe Flash player

Han abeha keklem atum aphan AASU Dibrugarh aro katengkheng dun

Adai kedovek atum aphan ingsai nangji pusi kephovek atum AASU aphan kachoningri

DIPHU, Vosik 4: Kedamtang Aru niphai 27 arni bang hini han abeha klembang atum aphan Dibrugarh AASU aro atum katengkheng dun aphuthak ingsai nangji pusi kephovek han kejor abeha klembang atum AASU tiri atum aphan choningri. Alanglitum AASU aphan kapanong ketokjir aloh along kapangdak ke, kedamtang Aru niphai 27 arni adap porphai pho apor emethang ke-eh karche bokbok, birik pen danglok ason-ason ahan parvo Merapani lapen Dibrugarh an keponbom ahut Dibrugarh Raja Bheta police station adung along Assam police atum nangkhang dunsi gari aloh heihui tarlip lo setame gari aloh kechokplang ajok hadak pen nangtoi lo setame tovar ebeng AASU Dibrugarh aro klembang Rupjyoty Borthakur nangkhang dun chek lo lapen ajirpo inut aphan phone pen chehang lo. Laso aphi ajirpo abang bike pen vangsi thang athim atham ave pin pen gari vekbang aphan areng pasolo. AASU Dibrugarh aro sankur chunbang Rupjyoty Borthakur akoi nangkipi atengke labangso a gari along chainoing pen bi arengsi kepon pulo setame akoi kevan alam ahok kalidet ajoine police asaiphu aphan sika kep atangka kipi alam pensi puthot hur pacho thulo lapen nelitum aphan kethar-kehap, tovar along kengphu nangpatongsi gari ta meh nangkai pidutji pusi tnang her lo. Jongsi gari along chainong pen bi areng le kepon pulote kopi apotsi nangpaklang thekthe det lo pusi kisung kephovek han abeha klembang Rajib Paw pen Tutu Phukon atum arju. Lapuson apor nangkaphalangno dun ajoine apor ateng pen hithi ador kepho dunde det ajok han parvo ador sika isi pen sika pli an nahok nang lo puta alanglitum ketokjir aloh along pangdaksi inut Assamese ateng pen Assam along methang alongle along ing-i chepabu prup pen katiki ahan heihui hithi along kepon kachetherak nangset anke kopi aphan lo lapen alanglitum kopi aron mate kopi athe pensi kengphu kapatong nangji pulo? Kopi athe pensi gari meh nangkekai piji pulo anparta kopi aron pensi inut Hindu abangphu aphan han parvo pen chaining, bi areng kejor abehasi keklem pu kapatherak lo? Nelitum Assam along Hindu ateng pen methang alongle-phelang along ke-eh karche ahormu beha keklem ajakong anta ingbo detlo. Jongsi nelitum Assam Hindi Assamese ateng pen nangmatha pulote hala adai kedovek atum aphan lang tarlip pamekara kevangji arni lapuson asai pachomatha longle detji aphan ingsai nangji pusi ketokjir aloh pen alanglitum AASU aphan hang.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives