ADVERTISEMENT

This area is available for advertisement. Please contact for details.

Arnivang
Get Adobe Flash player

Arpu ajoine KAAC Secreteriat asaihem sampridang

Diphu, Vosik 4: Arpu ajok kaike KAAC CEM, EM, MAC, KAAC Chairman, Deputy Chairman atum kacharvin toi-toi ajok KAAC Secreteriat asaihem sampridang.
KAAC CEM Tuliram Ronghang kejalin ratpangri kevangji Vosik 23 arni pen lote KAAC BJP ratpangri ningkan hini pleng po. Seta, kedamtang KAAC Congress ratpangri pen masapso kacheprek do. KAAC CEM, EM, MAC, KAAC chairman atum angbong kaikesi arpu kar-i ajoine charvin toi-toi pensi achiklo-achiklo kapadam asonsi thek long. Laso ajoine ajahak arat atum KAAC Secretariet asaihem along losini CEM, EM Chairman atum aphan chonghong det aphi ta chetongte detsi ke-ong. KAAC Secretariat asaihem ahokpet pulote KAAC Chairman pen Deputy Chairman atum pulote kaike ta methang asaihem chedo vek nangji aron do pusi ajahak kethek-kere arat atum than. Seta non abang ke CEM konat ma kedam ahadak amai alongsi KAAC Chairman, Deputy Chairman, MAC atum anta do dun-et titi. Pu KAAC Secretariat asaihem abang ke sampridang asonsi mandet lo. Lasi KAAC chairman barim Horensing Bey alangli arpu pen sun lo lapen akimi KAAC chairman arpu kimi matsi dengjine lapen alangli abang KAAC Secretariat asaihem along chedo ma dode ke apor ahutsi thek long po puta cheroktok arat atum kachethan rinti alam arju dun long.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives