ADVERTISEMENT

This area is available for advertisement. Please contact for details.

Arnivang
Get Adobe Flash player

Zirikindeng BPHC kedam atovar along black topping kaselam kenangsot

IMG_20180523_143225Diphu, Vosik 3: KAAC keparlo 9 Amreng constituency angkang Zirikindeng BPHC kedam atovar along black topping atovar kaselam kenangsot pusi seh kachelang arat atum ningri rinti.
Monit atum ok arlo akeso mate akisung kethenai pen kepajok un ajakong pulote seh kachelang ahem along henlo lapen akaprek atovar ke avelo pule pudet ta henone. Sonthakthaksi Zirikindeng BPHC along seh kachelang damji aphan kacheleng atovar kememe det ajoine jasemet so-arlo atum akeso pen chenglok kaprek kaprek akeso kachelang damji aphan akisung chetong nang do puta seh kachelang arat atum jai rinti. pinpurme, ehut isi hadak black topping atovar selam lo, seta atovar kaselam kememe ajoine ningkan hini-kethom aphi black topping chethar-et ajok bangso atovar along arlong ansi klangsak lo lapen atovar cheklam kledet ajok seh kachelang dam ahut gari pon nodak titi. lasi, prapjin pen KAAC BJP aratpangri pen bangso avarsai kedengji aphan choningri lo. Athe, hadak arat atum Zirikindeng BPHC pen akaprek seh kachelang damji aphan akisung do puta jai rinti.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives