Dokmoka along kacharvo, edonvet penang an areng keso

BAKALIA, Vosik 3: Kedamtang Aru niphai 30 arni Dokmoka ahithi along kacharvo ajok edonvet penang an atum areng sonang lo. Birta kelong dun ateng ke Mahtus Rai pu abangphu ku pen tengkhengsi edonvet Maloti Devi (45), Radha Kumari (16) lapen Laxmi Kumari atum aphan ingtangrak areng paso tekangsi katjui lo. Laso alamki aphuthak Karbi Anglong Hindi Bhashi Association pen Karbi Anglong Hindi Bhashi Students Association atum sodak pinrem lapen Dokmoka police atum aphan ta ning kangsamse chepaklang. Police station pen 200 metre kahelo laso alamki papho tekangsi adai kedovek Mahato abang katjui lo setame pini arni anta police atum kenep thekthe det abang ke pinrem lo lapen adai kedovek aphan nep nangji lapen areng keso atum aphan seh lang nangji pusi Hindi Bhashi song jabang Ramboli Chouhan pen Jawahar Chouhan atum hang.