ADVERTISEMENT

This area is available for advertisement. Please contact for details.

Arnivang
Get Adobe Flash player

Inglong aso atum alongle angtan amonit kacherai et aphuthak CM aphan kapachini NCST

Guwahati, Vosik 2: Assam arlo kedo khei trok atum schedule tribe status nangpi nangji pusi kedamtang ajir dingklui pen hang lo, seta National Commission for Schedule Tribe aphan kachoningri aloh, mate ST pi nangji pu alam thangta longle lang pusi NC chairman Nanda Kumar Sai atumi Guwahati along pherangke amai kangni ahut jai.
National Commission a Chairman Nanda Kumar Sai pen Guwahati Janata Bhawan Chief Minister’s conference akut along pherangke amai kangni ahut kejai thu ke, laso a commission pen ni pho kahumri ahut schedule tribe kapachingthurji aphan pusi ongdung scheme state arlo pachun lo. Laso ahut Assam arlo kedo Rabha Hasong Autonomous Council pen BTC along humri dam lo. Lahai ahavar along kedo charli osomar atum stipend, school bag pen chenglok ongdung charli osomar aphan kipi avarsai kelongle thek dam long lo pusi Chief Minister Sarbananda Sonowal aphan Commission pen pachini.
Inglong aso atum alongle angtan amonit atum kacherai et aphuthak ta Commission pen CM Sonowal aphan pachini lo pusi pherangke amai along Commission chairman Nanda Kumar Sai jai.
Laso ateng Commission kapachini alam do-an CM Sarbananda Sonowal lang po pusi chechak puta pherangke amai along National Commission for Schedule Tribe a chairman Nanda Kumar Sai pherangke amai along pinpur.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives