ADVERTISEMENT

This area is available for advertisement. Please contact for details.

Arnivang
Get Adobe Flash player

HC alamtoi ateng prapjin pen aron kaselamji aphan hamphang asong 24 atum KAAC aphan kapachini dam

Diphu, Vosik 2: Karbi Anglong Autonomous Council atum sixth schedule a constitution along kedo Paragraph 2, Sub-Paragraph 7 ateng kilik aron komentusi kaselamji ma hithi rui ni angbong nang pachini nangji pusi kedamtang Aru 18 arni Guwahati High Court pen lamrai kipi ahut HC pen KAAC aphan pinkhat.
Laso ateng hamphang asong 24 atum Karbi Anglong Autonomous Council a CEM arideng loh epak pajir dam. Laso along hamphang 24 atum pen kejong dun ke, High Court kapinkhat ateng Karbi Anglong Autonomous Council atum dengsi prapjin pen India Constitution along kedo sixth schedule a para 1, 2, 2(7) lapen 20 along ketok ateng Council kilik aphan KAAC atum Act pen Rules selam nang po. Laso asai along hamphang asong 24 atum kacheto dunji aphanta jong dun.
High Court alamtoi atengke Assam Autonomous District (Constitution of District Council) Rule 1951 kebantang lapen akam ave lo pusi klardak pen jong lo. Seta India a constitution along kedo Sixth schedule ke nonputa angru kechoche pin a ingchin asonsi dolang puta pachini dun lo.
Hamphang asong 24 a bidisar J.I Kathar, Convenor Ratan Terang, Convenor Rajesh Tisso, Convenor Semson Teron (LL.B) atum jalinsi CEM arideng loh pajir dam lo.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives