ADVERTISEMENT

This area is available for advertisement. Please contact for details.

Arnivang
Get Adobe Flash player

Hanjanglangso along PWD asaihem kikim patangte det

Diphu, Vosik 2: Kedamtang 2013 aningkan hemprek alam pen kahuri dut ahut Hanjanglangso along kedo Asst. Executive Engineer PWD (R) Sarihajan AEE asaihem meh kai dut amat pangjir thang lo. Laso ahem kikim thuji aphan KAAC PWB (B) Division Diphu pen inut contractor Harneh Terang aphan pek lo. Laso ateng ahem kim lo seta pini arni anta patangte det. Laso ajok saihem kedoji adim ave detlo, lasi non tongsekot kedoji aphan Asst. Executive Engineer kedo ahemsi PWD asaihem pin chong det lo. Kamanghu meme alam ke, KAAC PWD methang saikam (Department) kedo tangkok aphi saihem anta ave puke chetherak meme binong. Lasi Bokajan LA angkang non kedo bom MLA lahai kachelang dun nangji akenangsot binong. Lasi alangli Bokajan LA constituency angkang chehumri damra kapatang detji aphan bor-i asonte mesenji lapen PWD Executive Engineer ta lahai kelang chariee det ke alangli ta adai do. Lasi asai kacheklem kapatangte det a contractor aphan prapjin sai pacheklem thu pen kikim kapatangte det ahem kapatangji aphan havar kedo kacheroktok arat atum choningri.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives