ADVERTISEMENT

This area is available for advertisement. Please contact for details.

Arnivang
Get Adobe Flash player

Angtan amonit nang kacheraiji aphan kabor-i chiri 1200 alongle kapajok dun

Diphu, Vosik 2: Nagaland anghoi along kedo Chiri 1200 Karbi Anglong alongle angtan amonit atum nangkacheraibor-i pen KSA Bokojan Regional Committee pajok dun lo.
Kedamtang 1997 aningkan 21 Borjan MAC constituency angkang No. 2 Karagaon Balijan ahavar along Soil Conservation asaikam pen Ramsing Tokbi KAAC EM kikhi bom ahut Balijan arat aphan mathasi bamboo plantation project aphan pura Chiri 1200 alongle along pa-eh lo. Setame halaso ahut havar malom habit ingnar kedo-oh ajoine ke-eh kesom tang achek inghin anta phangno et lo. Setame puthot haladak alongle thangnat asai en thuthe pu amatsi padokok lo.
Laso alongle lapuson kedokok thek longsi penang an ajak kiding pen angtan pen kevang amonit atum kacheraiji aphansi bor-i bom lo mate tebok-terai ke cherai et asonsi mandet lo, athe halaso alongle ahoi malom ahapre-hapre sigun lapen rubber airi do anta Nagaland asorsi ahemphu pusi chini dun lo. Kosonsi halatum Karbi Anglong alongle chepahemphu longlok ma ke manghu meme alam binong. La ke KAAC aphan ta arju meme alam lo athe lahai alongle anta patta dothai pusi chipu rinti.
Chiri 1200 alongle angbong chiri 200 sose anke ingnam paru etsi Rengma akhei atum hem chikimsi rong kesengji aphansi bor-i lo. Seta apor pen birta kelong dun lok ajok tongsekot KSA Bokojan Regional Committee atum adim humri dunsi kikim lapen kepanbom asai khang dun cheksi kado kave aphan pachedamtoi et lo. Alanglitum pen lam kelong lapen kepan adang kethe kelang patini ateng pute non an don 39 apharman aphansi chesik lo pusi longle kacheraiji kabor-i atum pen lam long.
Kepan asai amat ta tebokhet arong rong asar atum aphan ta arjuje pin pensi kepan puta alanglitum chekubir lapen kevangjilang arni tebok-terai arat atum aphan langplot pen lapuson asai choklemkle lo pusi lamchak chipisi lamdon ta chetok det lo.
Kahumri dam ahut kapado amai along Karbi Students’ Association Bokojan Regional Committee dun meiphu Kangbura Timung si chari lo. Laso ahut KSA tiripi amei pen KSA tiri sikdang chunbang i/c Bokojan David Phangcho chetong dun. Pro-KPLT, KLNLF, KSA-BRC klembangphu, KSA Balijan aro lapen rong asar atum ta bangso kahumri dam ahut cheto dun.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives