ADVERTISEMENT

This area is available for advertisement. Please contact for details.

Arnivang
Get Adobe Flash player

CAB aphuthak AGP sodak asai kedengji aphan kachisik

Vosik 7 arni pen Pong-ut kivut, rat a signature ke-en asai ni 15 an kapabat

GUWAHATI, Visik 1: Assam aphurkimo aphan isi kaphere memeji ang-ang lapen phurkimo Assam accord kapavirji aphan kedeng Citizenship Amendment Bill che-en thu nangji pu hangsi AGP asong pini puthot ason-ason asai kedeng thuji aphan kapangdak. Guwahati Ambari along kedo AGP tiri asaihem along pini pherangke amai kapangni ahut khei barim atum ajutang jubat mate elam-eki kapavirji aphan kedeng Citizenship Amendment Bill ke padeng longle pusi klardak pen ningje. Hindu Bangladeshi aphan Citizenship Citizenship kepek lo pulote Assam along hamphang, choki-chokam lapen ratchari ajakong anta nangthi etpo. Lasi laso a bill mantune ta AGP chekroi dun thekthe anparta Assam sankur arat lapen hamphang asong atum kachesong along khamkhe dun nangne pusi ther. Assam Accord ateng pensi Assam along lahai akisung pajok unji. Angtan asor lo pulote angtan asor lo, Hindu. Muslim amen pen angtan adet asor parlo pon pen ratchari ale majok aphan ta pacho-en longle. Lake Sankar-Ajanor a state puta pherangke amai along ningjesi non kevangji Vosik achiklo niphai troksi arni pen state adangpi pong-ut, cheng, kasu, phole-phukok kithip ase angtong pensi kachesong cheng po. Laso asai kaprek-kaprek a district sub division along ta pado po. Halapu kedamtang Aru niphai 12 arni pen 30 arni an kapangdak rat a signature ke-en asai puthot ni krepho an pabat thu lo, lasi kevangji Vosik achiklo niphai krepho arni ansi laso asai pajutji pusi pherangke amai along AGP pangdak. Pherangke amai along yuva parishad pen Assam Mohila Parishad atum ta cheto dun.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives