ADVERTISEMENT

This area is available for advertisement. Please contact for details.

Arnivang
Get Adobe Flash player

Assam-Meghalaya ahoi rong 4 Assam arat don 20 Chomang atum aphan karplung

VOTHATLANGSO, Vosik 1: West Karbi Anglong district Assam-Meghalaya ahoi along alamki kaike ta jut un-eh pleng un-ehsi nangman det lo. Assam ratpangri pen CEM Tuliram Ronghang kejalin KAAC a ratpangri atum kelangdun kepangkre ajok Meghalaya a Chomang atum Karbi Anglong arlo km 15 nanglutsi longle-phelang kacherai pen danglok hem-rit chikim lo. Baithalangso police station kaparlo Assam-Meghalaya ahoi mate Karbi Anglong arlo Panpura pen Umiam pu parong ni adak kedo penang an a hector alongle aronre pen cheraisi Chomang atum don ingkoi ahem chikim lo. La anchot kali alanglitum thiri alongle ta cheraisi hem chikim lo. Ahoi along kedo Karbi, Assamese lapen Nepali arat atum halahai a Chomang atum aphan cheterek nangji pusi kipu arjir dingpik lo setame Chomang atum ardi pipe detsi ther thu rong lo. Aphithu sai jokje chechak dorsi Umoniam, Murat, Panpura lapen Pamlangro rong pli arat chingrumsi cho, nopak ot krai pen ongdung Chomang atum ahem phalangnosi me kai lo. Laso aphi hadak kedo a Chomang atum ahem-arit che-oh tekangsi Meghalaya alongri kat etlo setame ahoi along soluk-sodak asonsi dolang. Lam kepho adim Ulukuchi a police abitung pale dunsi soluk-sodak atemon kapahamji aphan sai deng lo lapen halaso atalom keton-kelang pangching lo. Halapu Chomang arat atum sai katiki ahormu laso aningkan Matijong achiklo angbong kachirim pon etji aphan apor hot.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives