ADVERTISEMENT

This area is available for advertisement. Please contact for details.

Arnivang
Get Adobe Flash player

Temon kethe kejap pen kanahok ahetum atum aphan kerap kapajir dam

HTC kilik apharman ward kethom mei keseng

KHERONI, Jangmi 10: West Karbi Anglong district kaparlo Dongkamukam Circle office angkang Chitung langso asanchom atumi jangmi niphai 9 arni arnikangsam porphai kethom apor malom men-men temon-arve kethe ajok hum 61 ahem japrai lo. Hem kanahok pen pen rihing ameh archok, biri-bithung arlo ke-eh karche kove-phinu arong pen danglok penang an kenangsot athengpi nahok lo.
Temon kethe pen hem-rit kanahok do-oh lo pu alam karju long pen pini arni kangsam apor 8 no-Hamren constituency MAC Mongal Sing Timung kisung kephovek adim an humri damsi tongsekot kacheharjak thekji aphan jung jung pen don 61 kisung kepho arat atum aphan kerap pajir dam.
Halapu Hamren along non kevangji Town committee kilik ahut BJP kachepahai lapji apharmanta MAC Mongolsing  Timung Ward no-1, 2 lapen ward no-3 committee seng dam. Bang pharo kethom sose arat kachetong amai along MAC Timung kejai ke, non adihu town committee bangphu kilik along BJP si ongdung anghoi pen haisi town committee chari vekpo. Kehai along chingbe dun pulote nanglitum akisung atovar penta jok po puta alangli jai.
Mai along abarim VDC chairmen Birensing Tisso pen danglok BJP kethe kiding atum chetong dun rinti.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives