ADVERTISEMENT

This area is available for advertisement. Please contact for details.

Arnivang
Get Adobe Flash player

South Salmara along ahokhe atangka sika 20000 pen-pen inut kachingnang

Guwahati, Jangmi 10: Aphong-aphong ahokhe atangka kenep long ke BJP kachari a government ahokhe atangka kapavirji aphan kemang pen sika 500 pen sika 1000 aloh kelar asai kichunche ason mandet. Kedamtang Urmi aningve Mankachar alongri arlo South Salmara asanchom Hatsingimari along ahokhe atangka sika 20000 pen-pen inut abangphu aphan police kenep.
Hatsingimari supermarket along pen honthe meme ahokhe atangka kepon abirta kelong ateng police katarlip dun ahut arideng pen sika 500 ahokhe atangka aloh pak 40 long.
Kachingnang abangphu ke Kukuradanga arong asor Nur Muhammad pusi pangthek. Alangphan karju patertok asai dengbom lang.
Laso atangka alang konat pensi kelong lone klardak pen pachinine lang seta Bangladesh pensi kevan tathek pusi honthe. Intelligence kapachini atengke non malom ongdung ahokhe atangka nangkele ke Bangladesh pensi kevan pusi pu.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives