ADVERTISEMENT

This area is available for advertisement. Please contact for details.

Arnivang
Get Adobe Flash player

Paklongkam along USUKA akejoi pen seh kelang aboha kibi

IMG-20180410-WA0009Samelangso, Jangmi 10: Barla apor nanglesi ason ason keso pen kachepajok thekji aphan pura kaprek kaprek adim along United Student Union of Karbi Anglong asong pen akejoi seh kelang asai deng bom lo. Lasonsi pini lethota USUKA Paklongkam aro patirpisi Paklongkam Rupjili aklam along akejoi pen ok pran kelang aboha kibi dam. Seh kelang along Dr. Welson Timung, lab technician Himadri Saikia, ANM Mitali Saikia, Bhagyashree Bora lapen pharmacist Rebeca Ingtipi atum chetong dunsi hadak pharo pharo arat atum aphan ason-ason akeso akejoi pen seh lang lo. Laso asai along USUKA Paklongkam aro bidisar Robinson Rongpi, meiphu Himon Ronghang, chunbang Songgor Ingti atumta cherap cheto dunsi laso seh kelang asai mesen pen pachun.
Lason thakthaksi non kevangji Jangmi achiklo 12 arni Era Dighalpani alongta lason asai kedengji aphan chesik chedang bom lo.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives