ADVERTISEMENT

This area is available for advertisement. Please contact for details.

Arnivang
Get Adobe Flash player

Kedamtang aningkan kangbo abangphu Hizbul Mujahideen klempar asong si keklem dun

Guwahati, Jangmi 10: Kedamtang aningkan pen kangbo pu Nagaon alongri Jamunamukh asor Ibrahim Zaman asopo Qamer Uz Zaman Kashmiri klempar asong Hizbul Mujahideen alongsi keklem dun.
Assam pen Hizbul Mujahideen asong keklem dun abang pu Facebook profile along Qamer Uz Zaman amohor kachipi pensi laso alam kachethang.
Laso amohor alam Jamunamukh anta chethangplup si lake kedamtang aningkan kangbo Qamer Uz Zaman amohor lo pusi ahem asor atum pangthek.
Qamer Uz Zaman, Bangladesh damsi aphi beha apharman United States of America dodam lapen aphisi alang Kashmir kevang thu.
2012 aningkan pen lo alang Kashmir along kedo. Alang Chinar Gali ahavar Posh asanchom Kishtwar along peh akulat si kachobi. Alang ladak dobom ahutsi kedamtang aningkan Jakhong achiklo pen ingbo det.
Alang Kashmir alongsi beha keklem seta kedamtang aningkan Jakhong 10 arni pen ingbo det pusi ahem asor atum than. Latum Kashmir lapen Assam, Jamunamukh alongta kangbo aphuthak missing case pidam lo.
Laso alam aphuthak Assam police atum Jammu and Kashmir police pen chingkisi kenangsot asai deng po.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives