ADVERTISEMENT

This area is available for advertisement. Please contact for details.

Arnivang
Get Adobe Flash player

Ri Bhoi alongri arlo gari kachetong; bang pli kithi

Shillong, Jangmi 9: Pini adap Ri Bhoi alongri arlo Mawpun arong along gari kachetong ajok bang pli apran kedam lapen bang trok areng keso dolo.
Ri Bhoi police kethan atengke Tata Sumo pen Ashoke Leyland truck angbong si kachetong. Pini adap 8 apor Umroi arong adung Mawpun along Shillong By-pass alongsi kachetong. Kevek abang pen-pen bang kep kachethap Tata Sumo Shillong anat kedam ahutsi truck pen kachetong. Bang kep angbong pen bang pli apran damjui lo. Bang kethom ke arloso lapen inut ke pinso, gari vekbang amat lo.
Kapachat ong lone kalite ason kaprek penlone chinine lang. Areng keso abangphu atum aphan arju ansi chini po pusi police than. Areng keso atum aphan Shillong Civil Hospital alongsi seh langbop pusi Ri Bhoi SP (Traffic), Dangsan Khyriem than.
Apran kedam atum amen ta pangthek tong telang. Police atum nonsi tarlip bom lang pusi pu. Sumo pen kachetong a truck vekbang ke katjui pusi Khyriem than.
Meghalaya along erui angbong kachetong alamki non pen phongni lo. Ni ni prang Shillong, 4th Furlong along Health Minister asopo kevek Mercedes bike aphan kapatong pen jail police inut apran damjui lo lapen kaprek inut areng sodun.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives