ADVERTISEMENT

This area is available for advertisement. Please contact for details.

Arnivang
Get Adobe Flash player

PM Modi aphan Ripun Bora a-ot-e alam kipu ajakong ave: BJP Assam Pradesh

GUWAHATI, Jangmi 9: Assam pen MP haidunsi India Prime Minister Dr. Manmohon Singh alangli kachari ahut Assam mate nihang-nirep ahavar aphan kopilo keklempi lapen koloso akisung lo kapajokpi? Laso aphuthak Pradesh Congress a meiphu Ripun Bora si lamvoi pi nangji. India angkangpi sankur arat kacherap lapen ning kachethe ajoine pen kehai prime minister anghoi kangni Narendra Modi aphan Ripun Bora a-ot-e alam kipu ajakong ave pusi state BJP bidisar Meghana Hazarika sodak pinrem. Alangli kapachetak aloh pen kapangdak ke, Congress asong aphan non ke India arat atum che-oh tang lo athe alanglitum kapachobai lapen kapanglim aphuthak rat atum chini pame lo. Setame BJP asong tiri ratpangri lapen Assam ratpangri penang an kachingthur a scheme ketheklong ajoine Congress atum apharlo ingjar lap lo. Lasi ningje tap ningje prui varet lo puta Meghana Hazarika arboksi Prime Minister Narendra Modi arpu kedeng pen kadure arat kapachingthurji aphan ardi pipo lapen India anagkangpi abangphu/phi tin atum isivet kachingthur ajakong long po pusi ningje lo. La anchot ta kali Sabka Sath Sabka Vikash athepi ensi sai klem bom lo. Setame ningkan trok kep India kachari Congress atum ke rat aphan kapachobai lapen kapamanghu ajoine kedamtang lok sabha kilik lapen kaprek-kaprek state along MLA kilik ahutsi rat atum Congress pen che-oh lo. Sonia Gandhi ketoi aling keklem prime minister barim Dr. Monmohon Singh pen non kekhibom Prime Minister Narendra Modi angbong komatsi kachari keme ma puke sankur aratsi lin po. Ripun Bora kaningje tap along BJP atum aphan thang akanahok vangve pusi pachetak aloh pen birta pangdak.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives