ADVERTISEMENT

This area is available for advertisement. Please contact for details.

Arnivang
Get Adobe Flash player

NSCN (R) pen ULFA (I) saikhi bang 4 kachingnang

Itanagar, Jangmi 9: South Arunachal Pradesh alongri anat kedamtang penang-an arui penlo NSCN pen ULFA(I) klempar asong atum tangka kirung asai keklem pusi birta longsi raikom saikhi atum katarlip asai kedeng.
Pini Changlang battalion atum longni klempar atum aphuthak katarlip asai kedeng ahut NSCN(R) klemapr asong klembang bang hini lapen ULFA(I) klempar asong klembang atum aphan nep long.
South Arunachal Pradesh ahavar klempar asai pen pajoksi monsam kapathirji aphan raikom saikhi atum klempar aphuthak katarlip asai kedeng pusi Defence PRO (Kohima) Col C Konwer than.
Changlang alongri arlo Ngeichang asanchom malom risim ke-ot klempar atum do pu joi-joi pen birta kelong atengsi Changlang battalion atum katarlip asai dengsi bang hini NSCN(R) klembang self styled sergeant major Nongman Jugli lapen self styled lance corporal Sampan Harap atum aphan nep dam. Latum arideng hile, hile amu lapen kaprek-kaprek song ahormu long. Latum aphan karju patertok ahut kachethan atengke latum NSCN(R) klempar asong pensi kacherap pusi pu lapen latum song amen pen tangka kirung asai klem lo puta chikobir.
Sonthakthaksi, intelligence atum kapachini ateng Lekhapani asanchom katarlip dam ahut ta Anil Kanikar cheparjan Dahotia lapen Pramod Barua atum aphan nep dam. Latum bang hini ta ULFA(I) klempar asong klembang pusi pu. Latum ta song amen pen tangka kirung asai klemlo pusi pu.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives