ADVERTISEMENT

This area is available for advertisement. Please contact for details.

Arnivang
Get Adobe Flash player

Commonwealth Games 2018 : Ni 5 arni India atum medal troksi kelong dun thu

Gold Cost, Jangmi 9: Gold Coast along Commonwealth Games kapathu ni 5 arni India atum puthot medal troksi kelong dun thu. Urmi arni India atum ser alek kethom, rup alek hini lapen tam alek hini long dun. Non kapathu bom Commonwealth Games along Urmi arni an India atum kado-kave 19 medal lo kelong.
Men’s 10m air pistol event along India pen shooter Jitu Rai si ser kelong lapen tam ta India asor thakthak Om Prakash si kelong dun. Aphi women’s 10m air rifle along ta India atumsi 2nd pen 3rd kelong dun. Shooter Mehuli Ghosh rup alek lapen Apurvi Chandela tam alek long dun.
Weightlifting along ta men’s 105 kg category ahut Pardeep Singh India apharman rup alek vanpi thu.
Aphi, men’s team atum ta table tennis final along India asor Achanta Sharath Kamal Nigeria asor Bode Abiodun aphan 3-0 pen paremsi India aphan ser alek palong pithu.
Arnikangsam apor India’s badminton team atum ser alek longdun thu. Saina Nehwal pen Sonia Cheah, Malaysia asor aphan 3-1 pensi kaparem.
Australia, Gold Cost along Commonwealth Games kapathu ni 5 arni India atum ser alek 10, rup alek 4 lapen tam alek 5 long dun lo lapen rank ke India atum kethom alongsi do. Rank along athaksi ke Australia atumsi do. Latum ser alek 39,    rup alek 33 lapen tam alek 34 long dun. Adun ke England atumsi kedo. Latum ser alek 22, rup alek 25 lapen tam alek 16 long.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives