ADVERTISEMENT

This area is available for advertisement. Please contact for details.

Arnivang
Get Adobe Flash player

Chhattisgarh along Naxal atum IED kapangbop; raikom saikhi bang hini kithi, bang pho areng keso

CHHATTISGARH, Jangmi 9: Pini Chhattisgarh alongri arlo Naxal klempar atum police saikhi atum a gari aphan IED pen pangbop dun. Kangbop pen bang hini raikom saikhi apran kedam dolo. Laso ahut areng keso atum ta bang pho do. Chhattisgarh arlo Bijapur adungsi kangbop.
Bijapur adung Kutru asancgom along police a gari aphan IED pen kangbop ajok bang hini raikom saikhi apran damjui lo lapen kaprek bang pho asaikhi areng keso do pusi special DG, (anti-naxal operations) DM Awasthi than.
Bang thomkep doji kachethap raikom saikhi atum aphan kethon-kevan a bus aphansi Naxal atum improvised explosive device (IED) pen katengkheng dun.
Laso aprang ta pini adap apor Bijapur pen Bhopalpatnam kacheleng atovar along Central Reserve Police Force (CRPF), patrolling team atum aphan ta Naxal atum IED pum ni pangbop dunsi hile apdun. Kachetengkheng along pu-pu ta apran kedam ave lang.
Longri ahempi Raipur pen kahelo kilometre 450 Godma arong adungsi Maoist  klempar aphuthak katarlip damji aphan bus pen kedam ahutsi IED kangbop pusi police saiphu than.
Kangbop ahut District Reserve Guard (DRG) saikhi bang hini apran damjui lo lapen kaprek bang pho areng sodun pusi police saiphu than.
IED kangbop ajakong kethedung ajok bang 30 raikom saikhi atum aphan kepon a bus aprang anat ke ingjethang lo.
Birta kelong pen kaprek asaikhi atum aphan toidun thusi areng keso atum aphan ke Bijapur vansi hospital seh lang lo pusi police saiphu than.
Jangmi 14 arni prime minister, Bijapur kahumri damji alam pensi raikom saikhi atum katarlip asai kapangching.
Kedamtang There 13 arni ta Sukma alongri arlo Kistaram pen Palodi arong adak Naxal klempar atum mine-protected vehicle (MPV) aphan tengkheng dunsi bang sirkep CRPF saikhi apran dam.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives