ADVERTISEMENT

This area is available for advertisement. Please contact for details.

Arnivang
Get Adobe Flash player

Bihu asaikulat mate jutang kachepaklang ajaimek kapajut

Bang pli aphan AASU atum pen karcho

IMG-20180409-WA0038Diphu, Jangmi 9: Bihu achiklo Jangmi 1 arni pen kecheng Bihu a saikulat mate jutang kachepaklang ajaimek atumi arnikangsam pajut lo.
Jaimek ateng AASU Diphu Regional Committee ameiphu Shyamanta Gogoi pen song alama pachipur laso aphi chunbang Shorjun Hanse pen jalinsi karlitang atum aphan chikimo.
Arnikangsam apor Bihu saikulat mate jutang kachepaklang ajaimek kapajut rat amaipi meiphu Shyamanta Gogoi pensi chari lo. Mai along Shorjun Hanse pensi kepha alam kejai lapen alohi kapachini apor en lo. Mai along Karbi Anglong a Deputy Commissioner Mridul Kr. Mahanta, AASU tiri dun meiphu Chitro Ranjan Basumatary, KCS ameiphu Chandra Sing Kro lapen Diphu Club ameiphu pen chunbang atum anparta kaprek kaprek man kedo abangphu atumta chetong dun.
Mai along lunsepo Sarthe Rongpi, Lunsepi Pokhila Lekthepi, Najendra Nunisa lapen Kirosam Saikia atum aphan Karbi apoho, Gamosha lapen Seleng apeh pensi archo lo.
Mai along Tiwa, Dimasa lapen Assamese akhei atum methang methang ajutang kekan chepaklangsi kado kave atum aphan ning parong lo. Kedamtang Jangmi 1 arni pen kapaman Bihu kekan asaikulat along kacharli dun aosomar atum aphan certificate pajir lo.
Mai along kachetong dun alohi atum pen jutang aphuthak penang an alam than tekang. Laso ahut KCS ameiphu Chandra Sing Kro penta Assamese alun ijir jumesen parju

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives