ADVERTISEMENT

This area is available for advertisement. Please contact for details.

Arnivang
Get Adobe Flash player

APSC alamki, DTO Prasenjit Ghose kachingnang

Koila syndicate aphuthak ta CID katarlipji angring

GUWAHAI, Jangmi 9: APSC alamki along kacherap kedo atum aphan inut pen inut nep ingnang bomlo. Lasonsi kiri katarlipbom Dibrugarh police abetung atum pini Sonitpur along District transport asaiphu Prasenjit Ghose aphan nep ingnang chek lo. Alangliphan nep ingnang cheksi Guwahati Kahilipara along kedo special branch asaihem along karju patertok lo. Penap Jangmi 10 arni arnikangsam apor malom alangliphan Court along ponpo.
Pinpurme Rakesh Pal chairman kekhibom apor ahut Prasenjit Ghose APSC asatlang tokdunsi tax asaiphu khi lo. Setame laso aphi 2016 aningkan alangliphan Kamrup Metro District Transport Officer arpu pek lo.  Laso akrong ahin alangli thangta chinine bonta Dispur along komane atum alangliphan DTO arpu pek det lo. Alangli labangso arpu dengdet aphi Koila syndicate pen danglok thengpi, sangti heihui abeha klembang atum pen pajirposi kecho panglim chenglo. Setame nonhetjong koila syndicate aphuthak Chief Minister alamtoi ateng pen CBI atum katarlip kapangcheng ajoine halabangso DTO aphan aprang arpu kepek tekang atum joike pen Sunitpur along terek plot lo. Kedamtang There 10 arni transfer order klangdet aphi Sonitpur along DTO arpu dengdam lo. Setame pini Dibrugarh police atum APSC alamki pen alangliphan nep chek lo. Non amatke APSC alamki pen bang 36 atum chingnang tanglo. forengsit a lamjai longdet aphisi pini labangso DTO aphan nep lo. Koila syndicate aphuthak ta alangliphan CID atum karjuji angring do.
Assam ratpangri transport minister Chandramohon Patowary ahinpen alangliphan Sonitpur District Transoport Offocer along naangkaterek cheroktok arat atum pinremsi Minister lapuson kachomatha aphuthak ta Tezpur arat atum honthe.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives