ADVERTISEMENT

This area is available for advertisement. Please contact for details.

Arnivang
Get Adobe Flash player

Town Committee kilik aphan BJP kachisik

Diphu, Jangmi 8: Non kevangji town committee kilik along BJP kachepahai etji aphan pu panongsi Diphu Central Range Forest IB along BJP East Karbi Anglong Town Mondal Committee arsik krung amai kangni.
Mai along alohi sarpo aman pen BJP East Karbi Anglong District Committee ameiphu EM Ratan Teron pen chenglok kaprek-kaprek BJP jabang atum chetong dun.
Kedamtang Jangmi 5 arni pen pangchengsi Dokmoka, Langhin, Howraghat, Bokolia lapen Bokajan along mai ingni damdet aphi pini Karbi Anglong arongsopi Diphu Town Committee apharmansi mai ingni lo. Non kevangji town committee kilik aphan BJP ahin pen kelangchari adilung atum pen kapangrum alamjai mate laso ateng kachisik kachedang thekji aphansi pini Central Range Forest IB along mai ingni lo pusi EM Ratan Teron than.
Laso aphisi town committee kilik kachepahaiji aphan akaprek angthun sai klem thu po puta Teron sangho jai. Pinpurme, Diphu Town Committee angkang kave ward kep an do, laso angbong ajahak a ward along ke suri 5 sose vote kejok atum kedokok ajoine thakthu nangkok po puta alangli jai.
Town Committee kilik aphan kachisik nangji ason do-an aphuthak KAAC pen ta chingvai nangji lapen ratchari angbong seta chingvai nangji. Lasi kosonsi town committee kilik kapachunji lapen BJP atum laso a kilik along kachephai thekji ma aphuthaksi pini amai along kachingvai ardi pilo.
Town Committee kilik aphan apor ke-en chet athe ke kilik kapadoji aphan governor approval en nangkok. Lason ahut Langhin pen Baithalangso hini akimi town committee aphan kisik kedang pi anparta angsong lam ke-en nangkok ajoinesi town committee kilik kapadoji aphan derchet lo. Lasi kisik asai tang lote town committee kilik mentusi doji pangdak po puta Town & Country Planning a EM Ratan Teron mai along jai.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives