ADVERTISEMENT

This area is available for advertisement. Please contact for details.

Arnivang
Get Adobe Flash player

Metre-gauge ahor keraikomji aphan Indian Railway kengkam kachejor

NEW DELHI, Jangmi 8: Long pho inglong ahavar kijui kelang meme kethedung adim along sai kedeng, British akai ahut kaselam aban long pho metre gauge raikom si tourism ahin kapachingthurji aphan Indian Railways pen kengkam kachejor.
“Metre-gauge ahor kapado verji aphan keraikom asai dengji, Indian Railways pen ajahak metre-gauge ahor raikom bom lo, laso keraikom pen tourist aphan isi kelang meme nang man po,” pusi senior Railway Ministry asaiphu than.
“Metre-gauge ahor keraikomji aphan kedamtang Thangthang 3 arni kangni amai alongsi kacherai. Laso metre-gauge raikomsi kijui kelang meme asai deng nang po pusi Railway Board Chairman Ashwani Lohani pen ardi en lo, lasi Indian Railways pen lahai train ahor adim heihui pangthek nangpo lapen tourism ahin chingthur po,” puta saiphu pachetak.
“Keraikom aphan long pho kapangthek angbong — Gujarat along Visavadar-Talala ahor km 42.27 adak, Madhya Pradesh along Mhow-Patalpani-Kalakand ahor km 16 adak, Rajasthan along Mavli Junction-Marwar Junction ahor km 162 adak, Uttar Pradesh along Nanpur-Mailani ahor km 171 adak lapen Assam ahavar metre-gauge ahor Mahur-Harangjao km 47 adak do,” puta saiphu pachetak.
“Long pli a metre-gauge ahor non ta pacheleng me lang, Assam along isi ahor do seta non amat pacheleng avarsai meme,” puta alangli puthu.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives