ADVERTISEMENT

This area is available for advertisement. Please contact for details.

Arnivang
Get Adobe Flash player

Kado kave chelangsi Diphu hithi kapangthir

DTC aphan hum troksi, akaprek a town committee aphan hum thom-thom gari pi po: CEM

IMG-20180408-WA0007Diphu, Jangmi 8: Karbi Anglong Autonomous Council pen district administration lapen SP atum lapuson kemesen asai kedeng apot KAAC CEM Tuliram Ronghang kachoro pajir.
Bohag Bihu jutdet aphi Diphu Town Committee aphan hum 7 a truck pi po lapen Karbi Anglong angkang kedo kaprek a town committee atum aphan hum thom-thom a gari pi po pusi pini Diphu ahithi kapangthir asai kedeng ahut CEM Tuliram Ronghang chechak.  North East angkang Sikkim hen lo kangthirnai, lason thakthak Assam angkang Sikdamakha arong hen lo kangthir pu pen ajoine nong-eh long dun lo. Diphu Civil Hospital ta kangthir et ajoine sika lakh 50 anong-eh long dun lo.
Pining angbong Diphu ahithi arlo tovar kapathe lapen kapame asai an klem patang po pu jaisi Karbi Anglong arlo monsam lapen Karbi Anglong kapachingthurji aphan Team Karbi Anglong kabor-i along rat atum nang cheto dun nangji pusi CEM Ronghang asangho choningri.
Mai along Deputy Commissioner Mridul Kr. Mahanta, ACS kejai ke, botor kachelar lapen global warming kekhangji aphan non pen ili klemkle pulote mo keklemji puke derpik po’. Lasi prime minister kaningje ateng methang adet lapen methang kedo adim kachepangthir asai keklem ke anuttin along ta arpu dolo puta Deputy Commissioner M.K Mahanta jai.
Kivir un-eh det plastic ahormu kirim pajum nang po, biri-cigarette kimong atum varthapthe nang po lapen ingtat kecho atum ta ingthok thapthe det nang po pusi DC pachini.
Diphu ahithi kapangthir asai along KAAC Chairman Horensing Bey, EM Prodip Rongpi, SSP Dr. G.V. Sivaprasad, MAC Mongalsing Timung, Ramsing Timung lapen Richard Tokbi, DSP Singson lapen kaprek-kaprek atum chetong dun.
District administration kapatirpi kapangthir asai along DPCKA pen chenglok kaprek-kaprek hamphang asong lapen KAAC kaparlo saikam 30 atum chetong dunsi pini Diphu ahithi arkok-arphek pen kapangthir asai klem lo. Pini kapangthir asai kedeng pen kaike ta methang-methang kedo adim methang ahem pen chenglok saihem, hithi-kulat along anta kachepangthir etji aphan birta pachethang lo.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives