ADVERTISEMENT

This area is available for advertisement. Please contact for details.

Arnivang
Get Adobe Flash player

HPYA ingdeng troksi mahang kethek arni katalon dun

IMG_20180408_113711Diphu, Jangmi 8: Ingdeng troksi Hills Progressive Youth Association (HPYA) asong mahang kethek a cake DTC chairman barim Mohansing Tisso arideng pen ingthansi pini Rongnihang along kedo Karbi Club ahem along mahang kethek arni alir-alon pen katalon.
Jaimek ateng adap porphai 8:30 apor malom HPYA ameiphu Enjoy Tisso arideng song alama ingthur. Laso aphi klembang angbong kevangji aningkan kopi-pi asaisi kedengji ma lapen kemesen akengkam kachejor thekji aphuthak chingvai. Laso aphi rat amaipi ingni lo.
HPYA ameiphu Enjoy Tisso kachepahemphu amai along alohi sarpo aman pen DTC chairman barim Mohansing Tisso chetong dun. Chopha alohi aman pen KSA ameiphu barim Leeon Ingleng, AIKNA klembang George Rongpi, AIKSU rap chunbang Easterson Tisso, KSA ameiphu Simeon Rongphar, KFS saihem chunbang Welson Timung atum pen chenglok penang an kethe-kiding atum chetong dun.
Karbi akhei ke ongdung atum ke non puta inglong ahavar alongsi kedo ke-ong lang lapen hadak kacheparengji aphan kedorplup pen katiki dunji avarsai ave. Pinpurme, Diphu ahithi along arnikangsam apor inglong ahan masapso apeng alongsi sika kep lapen hanserong erong-rong ni pensi sika kep endet titi. Lasi la masapso apeng inglong ahan jongsi virdet lo pulote kevangji arni ke cho athai avedetji athe lahei ahan ke-e, karche kavedet ajoine lo. Lasi kachonam nang ke kaprek akhei atum kejor ahansi chonang bom lo. HPYA atum lahei aphuthak rat atum pen cheroktok asai deng nangji. Laso along kado kave kacherap-cheto kenangsot pusi KSA ameiphu barim Leeon Ingleng jai.
Song pulote methang kopi asaisi kemang ma halaso alongsi ardi chipi nangji, seta ratchari asong along kacherap dun avedet nangji. Sonsi KSA atum ratchari asong tin along ta KSA dorep. Lasi KSA atumsi pahelo dun nang po athe ratchari asong atum ke nangchibi vek po pusi DTC chairman barim Mohansing Tisso jai. Loh kacharli ahin kachehung aphi ong jum ong lo lapen ajat ahin along ta ilitum kerai (Quota) doji pusi chematha lok titi, lahenlo ajat ahin ta kapahi dun varet lo. Lasi loh kacharliji aphan un an bor-i dun nangji lapen loh charli asong atum bidi-sore pidun pen aning parung nang po puta Tisso asangho jai.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives