ADVERTISEMENT

This area is available for advertisement. Please contact for details.

Arnivang
Get Adobe Flash player

Bang pli UPLA klempar aphan risim pen-pen kenep long

IMG-20180408-WA0002Diphu, Jangmi 8: Baithalangso Police, 20 Battalion AP lapen Gorkha Regiment atum chelangpet kiri-katarlip asai dengsi tove bang pli UPLA klempar atum aphan nep ingnang long lo.
Bang pli klempar atum aphan Baithalangso police station angkang Umru pen Sekso inglong ahavar pensi nep ingnang long lo. Kachingnangchek bang pli klempar atum kenep, tangka kehang lapen kaprek-kaprek aronre asai keklem along kacherap dun do.
Tangka kipipe det ajok kedamtang penang arni Bronson Timung a devak abiri  along ta latumsi hile ap dam lo. La-an chot kali kedamtang penang arni Baithalangso, Hamren Khanduli atovar kaselam along kachongdat atum aphan ta latumsi kenep kanghu asai keklem puta police atum jong.
Dongkamukam police out post i/c Hitesh Bosumatary si katarlip asai jalin lo. Kachingnanglok Kheroni Chengbong arong Solak Teron asopo Joysing Teron (21), Baithalangso PS angkang Rongpangbong asor Kania Teron cheparjan Babu Teron (33), Baithalangso PS Borpathar havar kimi asor Bidya Sing Terang asopo Adward Terang (48), Dongka Bor anglong asor Seim Ingti asopo Rajiv Ingti pusi patini long.
Kachingnanglok atum arideng pen .22 pistol, 9 mm pistol, .32 mm pistol, 9mm, hile amu kereng lapen ahokhe UPLA tangka kirung aloh raikom asaikhi atum cheparideng long.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives