ADVERTISEMENT

This area is available for advertisement. Please contact for details.

Arnivang
Get Adobe Flash player

Ahmedabad-Puri express engine ave pin pen km 13 kapadam; 7 asai pen kangthan

BHUBANESWAR, Jangmi 7: Kedamtang aningve Ahmedabad-Puri Express a train engine ave pin pen km 13 kapadam ajok pini Indian Railways pen bang troksi achokamar atum aphan asai pen kangthan. Laso a train Balangir alongri Titlagarh station pen Kalahandi alongri Kesinga station an kapacheleng daba 22 an do.
Raipur asor atum train driver S Venkat Rao, cherap dun driver Sushant Singh pen danglok carriage pen wagon asaikam achokamar G S Panda, Lakha Kaspeta lapen P Bagh atum aphan East Coast Railway (ECoR) pen asai pen ingthan pet lo.
Kachingkoi pen kapajokji aphan Railway Board pen ajak dingklui penlo det adangpi sai kedeng lapen det adangpi electrical asaikam pensi a station tin along ta pasang pen pacheleng lo.
Kapadam along engine ave dun det puke Titlagarh along kele ansi chini pin lo. Daba kapachingtonji aphan Railway asaikhi atum kengbop cheplok si pachingtonji aphan bor-i lo pusi saiphu pen pachetak.
Division Safety asaiphu ta tongsekot pen Titlagarh along pale lo. Kaprek kaprek asaikam divisional akehoi atum aphan ponsi kiri tarlipji aphan DRM Sambalpur Jaideep Gupta lamtoi pi.
Atove jirlo 12: 35 apor Kesinga pensi laso a daba engine pen kachekak. Kesinga alongsi daba tin along kelang chari lo.
“Railway asaikhi atum kamatha kapangkreve ajoine si kepho nang lo, seta kopai keme thedung kachingkoi pen jok lo,” pusi inut kachethap dun abang ningje.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives