ADVERTISEMENT

This area is available for advertisement. Please contact for details.

Arnivang
Get Adobe Flash player

2019 kilik BJP kerem par-et prat po, Varanasi anghoi ta PM Modi kerem lo: Rahul Gandhi

NEW DELHI, Jangmi 8: 2019 kilik BJP hai etji pu chetene det noi, lasonsi Varanasai anghoi Prime Minister Narendra Modi ta kerem po athe opposition chingrum pensi cheharjak lo pusi Congress meiphu Rahul Gandhi ningje.
Opposition chingripet ning chethe klong alam Gandhi kaningje ke, 2019 Lok Sabha kilik along BJP kehaiji aphan helopik an lang, jongsi SP pen BSP chingrumpet pen arjap dun pulote Varanasi anghoi PM Modi kehaiji aphan chetoremji.
Lopeng isivet kerak lapen jirpo kachelang do-an isivet pulote longri pen havar along anta atemon chelar lap po, kachari bom non ateng dam bom pulote kachekak phunji aphan aningkan ajak dingde lo pusi Gandhi kamatha dam.
“Ningjedak, kevangji kilik along BJP kehaiji aphan theklongle, lasi 2019 kilik along aprang prang asonji, neli ning angtar kachelong,” puta alangli ningje.
“Jongsi opposition angbong chingrum lap pulote kilik kehaiji aphan matha-o-eh. Non opposition kachingri henlo akenangsot athepi lo,” pusi pherangke pen kachingki ahut Gandhi ningje.
Opposition atum kodak-dak si kachingrum ardi ke-en nangji lake Uttar Pradesh, Bihar lapen Tamil Nadu along DMK, Trinamool Congress lapen Nationalist Congress Party heihui pusi Gandhi arju, “Lahai along kodak anghoi si BJP atum kehai po?”
Rajasthan, Chhattisgarh, Madhya Pradesh, Gujarat, Haryana, Punjab along netum si arkan po.
“Kapakroi abang netum bor-i po. Kosonsi rat pen kachingkiji ma Congress pen bidi dengpo, amonit aning kasik sak patikuk dunde, monit pachekak phun netum ninghanghe lapen monit kedo kethak along pasung dunde, lasi netum rat aning kehang ateng kapapleng piji aphan klem po,” puta alangli ningje.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives