Klurdung along UKYA pen akejoi seh kelang asai kedeng

Diphu, Jangmi 7: United Karbi Youth Association atum patirpisi pini Langpher constituency angkang Klurdung along pini world health day arni pen pachetonsi akejoi pen seh kelang asai kedeng.
Laso ahut alohi aman pen East Karbi Anglong BJYM a sankur chunbang barim Harlongbi Ingti Kathar chetong dun. Mai along havar kedo kaprek-kaprek arong asar atum ta mai along chetong dun.
Mai along doctor pen nurse atum ta chetong dunsi Klurdung ahavar arat aphan akejoi pen seh lang lo. Laso ahut keso det atum aphan dovai heihui ta akejoi ron tekang lo.
UKYA atum athengno rong arat atum pen rihing ameh kave, mesen atovar kave lapen school mesen kave aphuthak ningri dun.
Laso phuthak local MAC kelang ardi kipiji lapen KAAC atum pen prapjin kachingthur avarsai kipi damji aphan havar arat atum ningri pusi birta nangpale.