ADVERTISEMENT

This area is available for advertisement. Please contact for details.

Arnivang
Get Adobe Flash player

Hong kevang klempar atum akemang aphuthak chingvai bom lo: Kiren Rijiju

IMG-20180407-WA0001GUWAHATI, Jangmi 7: Pini Guwahati arongsopi along union minister of state for home affairs Kiren Rijiju kevang ahut pherangke amai pha. Pherangke amai kepha ahut alangli kaningje ke kedamtang 2014 aningkan Lok Sabha along neli Arunachal pen BJP inut vet lo kehai dun lapen Assam pen ke bang 7 haidun lo. North-east along pangrum pet bang 8 anvet lo BJP pen kehai dun. Laso ajoine state mate north-east long troksi state along ta BJP a ratpangri ave det lo. Setame non Narendra Modi a ratpangri kevang pen longri arlo penang an pachelar lo. Ladak Assam along ta vangsi BJP kemesen a ratpangri aphuthak pachethang lo lapen Assam pen pen north-east kapachingthurji aphan ta ardi pilo, lasi halahai pachingthurji pulote state a ratpangri atum ta mesen nangji. La ansi scheme heihui kedeng along ta mesen po. Laso atengsi kechengsi ke Arunachal Pradesh, laso aphi Assam, Manipur pen danglok north-east kaparlo long troksi a state along ta kachingthur scheme heihui deng lo. Non ke long troksi a state along ta BJP a ratpangrisi kachari ajoine keklem-kedam an sose paprang lo. India detpi kapachingthurji aphan ke north-east henlo kemenai alongri lo athe nort-east alongri arlo longle-phelang pen danglok, lang, temon lapen kaprek-kaprek akhi-adat dopik. Lasi halahai ilitum cheraikom pameka pen ale chepavang thek pulote north-east kachingthur pen-pen India adet ta chingthur po puta union minister of state for home affairs Kiren Rijiju ningje. Alangli kaningje thuke 1991 pen look east policy selam lo setame labangso a policy kaselamchot  ke ale ave rong-rup arlo anta asai keklem paklang thek nangji. Adui-ahoi kapachingthurji aphan ta special developmental package dengsi north-east arlo Assam, Arunachal, Manipur, Nagaland pen danglok ahoi atalom an AAP lapen kaprek-kaprek a scheme dengsi sai klembom lo. Halapu akaprek adet pet beha kapangchengji aphan ta Manipur state along integrated check post, Agartala along integrated check post ingpu lo lapen Mizoram along Kaladan multi model facility dopo anparta north east pen Bangladesh ahoi Dawki pu along ICP kaselamji aphan neli methangsi long-eh som dam lo puta ningjesi Assam along Chief Minister Sarbananda Sonowal pen state a meiphu Ranjit Kumar Das atum kachari keme ajok BJP asong paprang pik anlo. Laso ajoine alanglitum aphan chorore jokje. Alanglitum bang hini angbong acheng kithip kacheton ajoinesi pini Assam along ta chingthurlo lapen kevangji arni Assam keraikom kejokvan do po. Lasi laso ateng dambom pulote nort-east ta chingthur dapprang po. Alangli kejai thu ke India kejokvan ahut India angbong pen Dibrugarh a district hen lo ke-ongnai medu kelong a district lo setame non ke amen anta ave det lo. Neli 1990 aningkan pensi kilik nangpathu bom lo setame hulaso ahut penang an asong atum neliphan nangkiputot nangkipu sit dolo setame neli ning chepaningdingsi rat atum ahirjume lapen jabang atum nangkacherap-cheto dun ajoine rat apharman sai keklemji aphan avarsai chelong lo. Pini pirthe adang pen kethenai asong ke BJP hen lo. Nelitum a ratpangri kevang pen ko-an ma aprang pen kachingki bom ruithu bom lo lapen ajahak MoS alamdon ta ta rui bomlo lo. North east angkangpi kelang keraikom ahin ke nelisi langchari bom lo. Thailand along ri kachirungtang atum aphan stipend pibom lo lapen ajahak a alamhoi ruibom lo. Kedamtang 2014 aningkan NDFB Sanbijit aro atum aphan kiri kakuruk asai abang chun lo. Laso ajoine hadak monsam nangdolo. ULFA ahokpet kemang ason heihui ta home minister Rajnath Singh pen chingki-chethan bom lo pusi minister Kiren Rijiju paklang.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives