ADVERTISEMENT

This area is available for advertisement. Please contact for details.

Arnivang
Get Adobe Flash player

Commonwealth Games 2018: Pini weightlifting along India pen bang hini ser alek kelong thu

Gold Coast, Jangmi 7: Australia, Gold Coast along Commonwealth Games 2018 kapathu pini ni thom arni India atum ser alek hini kelong thu.
Pini men’s 77 kg weightlifting category along Sathish Kumar Sivalingam kado-kave lin 317 ardi rungsi ser alek chepalong. Alang Snatch along lin 144 lapen Clean and Jerk along lin 173 rung. Ningkan 25 arta kedo Sathish Kumar Sivalingam ke Tamil Nadu asor.
Aphi 85 kg category along Venkat Ragala ta kado-kave lin 338 ardi rungsi India aphan ser alek vanpithu. Sivalingam pen Ragala ser alek ketlong thu penke Commonwealth Games 2018 along India atum nong-an medal kelong dun trok lo. Ser alek pli, rup alek isi lapem tam alek isi.
Pini India atum badminton pen table tennis along ta semis along an chepale dun lo.
Bhomta arni ta India atum medal hini long dun. Weightlifter Sanjita Chanu ser alek lapen weightlifter Deepak Lather tam alek long. Sonsi kechengsi arni ta India atum medal hini long. Weightlifter Mirabai Chanu ser alek lapen weightlifter Gururaja Poojary rup alek.
Commonwealth Games 2018 kapathu pini ni thom arni Boxing along ta India asor Sarita Devi Barbados asor Kimberly Gittens aphan paremsi quarterfinals chepale dun.   
Table tennis along ta India atum men’s team pen women’s team ta semifinals along le dun lo.
Badminton Mixed Team along ta India atum Mauritius aphan 3-0 pen paremsi Semifinal chepale dun. Semifinal along Singapore pensi chedan po.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives